Քաղաքական գործիչ Ալեքսեյ Նավալնին կոչ է արել արեւմտյան երկրներին եւ միջազգային ՏՏ կորպորացիաներին տեղեկատվական ճակատ բացել Կրեմլի ռազմական քարոզչության դեմ։ Պոկրովսկայա գաղութում պատիժ կրող ընդդիմադիրի դիմումը հրապարակվել է նրա Twitter-ում։
«Ուկրաինացիներին սպանելու համար Պուտինին իսկապես անհրաժեշտ է Ռուսաստանի ներսում պատերազմի աջակցությունը։ Եվ առաջինը հասկանալն այն է, որ Ռուսաստանում Ուկրաինայի հետ պատերազմին 75 տոկոս աջակցություն չկա։ Սա Կրեմլի սուտն է»,- պնդում է Նավալնին։ – Ռուսաստանում մեկուկես ամիս փակվել ու արգելափակվել են բոլոր անկախ լրատվամիջոցները, այդ թվում՝ բավականին զգուշավոր։ Արդյո՞ք դա անհրաժեշտ կլիներ, եթե Ուկրաինայի հետ պատերազմն իսկապես նման աջակցություն ունենար»։
Գրաքննության և քարոզչության պատճառով ռուսների մեծամասնությունը լիովին աղավաղված պատկերացում ունի Ուկրաինայի պատերազմի մասին, սակայն, չնայած սոցիալական ցանցերի արգելափակմանը, չափահաս Ռուսաստանի քաղաքացիների ավելի քան 85%-ն ամեն օր օգտվում է Meta-ից (Facebook, Instagram, WhatsApp) եւ Google-ի (YouTube) ծառայություններից,-գրում է քաղաքական գործիչը։
Նավալնին կարծում է, որ այս սոցիալական ցանցերում պետք է լայնածավալ հակապատերազմական արշավ սկսել՝ ուղղված ռուս օգտատերերին։
Աղբյուրը՝ Meduza-ի։
Թարգմանեց՝ Աստղ Խաչատրյանը։
