Կառավարության պահուստային ֆոնդից 750 մլն 192 հազար դրամ հատկացվեց ԿԳՄՍ նախարարությանը՝ մայիսի 21-31-ը Երևանում անցկացվելիք բռնցքամարտի մեծահասակների Եվրոպայի առաջնությունը կազմակերպելու նպատակով. գումարը կփոխանցվի «Ֆակտորի Փրոդաքշն» ՍՊԸ-ին:
Կազմակերպչական այլ ծախսերի մասով ևս նոր նախագիծ կներկայացվի առաջիկայում: Նախագիծը ներկայացրեց Կրթության, գիտության, մշակույթի և սպորտի նախարար Վահրամ Դումանյանը:
«Առաջնությանը ակնկալվում է շուրջ 40 երկրներից շուրջ 400 անձանց մասնակցություն, որոնցից 280-ը մարզիկներ են»,- ասաց նա և աննախադեպ համարեց Հայաստանում նման սպորտային միջոցառման կազմակերպումը: Նա նշեց, որ այն կանցկացվի Մարզահամերգային համալիրում: ՀՀ վարչապետ Նիկոլ Փաշինյանը նկատեց.
«Երկու կարևոր միջոցառում ունենք այս տարի և երկրորդը՝ Մանկական Եվրատեսիլի մրցույթը, և այս միջոցառումները տրամադրված ենք իրականացնել հնարավորինս ամենաբարձր մակարդակով»:
«Ճիշտ է՝ գնման ընթացակարգերը տեղի են ունեցել մեկ անձից գնման եղանակով, բայց իրականացվել է գնային հարցում 6 ընկերությունների կողմից, և հանձնաժողվի քննարկման արդյունքում ընտրվել է ընկերությունը»,- ասաց նա և նշեց, որ սա շատ կարևոր ստուգատես է մեզ համար:
