Ամերիկյան «House of Cards» սերիալի սցենարիստներից Բո Ուիլիմոնը մեկնել է Ուկրաինա՝ պատերազմի մասին վավերագրական ֆիլմ նկարահանելու։ Այս մասին Ուիլիմոնը պատմել է ուկրաինական «Обозреватель»-ի խմբագրությանը տված հարցազրույցում։
«Թիմի հետ միասին մենք այստեղ աշխատում ենք այս պատերազմի մասին վավերագրական ֆիլմի վրա: Դա կպատմի սովորական մարդկանց փորձի մասին, ովքեր ստիպված են եղել դիմակայել ներխուժմանը, թե ինչպես են այդ մարդիկ գոյատևում, հարմարվում, զարգանում հակամարտության էպիկենտրոնում»,- ասել է Ուիլիմոնը ապրիլի 12-ին հրապարակված հարցազրույցում։
Սցենարիստի խոսքով՝ ինքն իր թիմի հետ արդեն եղել է Կիևի շրջանի Բորոդյանկա և Բուչա քաղաքներում, որոնք մոտ մեկ ամիս գտնվում էին ռուսական օկուպացիայի տակ։ Ուիլիմոնը հայտարարել է, որ այնտեղ տեսել է «անհավանական մեծ ավերածություններ և կորուստներ»։
Ուկրաինա ռուսական զորքերի ներխուժման մասին վավերագրական ֆիլմ է նկարահանվում նաև հոլիվուդյան դերասան և ռեժիսոր Շոն Պենի կողմից։ Նա ֆիլմի վրա սկսել է աշխատել 2021 թվականի նոյեմբերին, երբ Արևմուտքը նոր էր սկսում խոսել Ուկրաինայի սահմանների մոտ ռուսական զորքերի կուտակման մասին։ Պատերազմի բռնկումից հետո Փենը եկավ Ուկրաինա և այնտեղ հանդիպեց նախագահ Վլադիմիր Զելենսկու հետ։
Աղբյուրը՝ Meduza-ի։
Թարգմանեց՝ Աստղ Խաչատրյանը։
