«Մեծ անհանգստություն է առաջացնում ադրբեջանական ագրեսիան հայկական գյուղերի նկատմամբ, այդ թվում՝ տարածքի «էթնիկ զտումները»։ Ուկրաինայի նկատմամբ անհրաժեշտ ուշադրությունը չպետք է թույլ տա մյուս երկրներին խուսափել պատժից նման պահվածքի համար»: Այս մասին Twitter-ի իր միկրոբլոգում գրել է ամերիկացի լրագրող եւ քաղաքական մեկնաբան, Պուլիցերյան երկու մրցանակների դափնեկիր Նիկոլաս Քրիստոֆը:
Համապատասխան գրառումը նա արել է՝ կիսվելով բարոնուհի Քերոլայն Քոքսի թվիթով. «Գրեթե ամեն օր տեղեկություններ եմ ստանում հայկական գյուղերի վրա ադրբեջանցի զինվորականների հարձակումների մասին։ Բարձրախոսների միջոցով նրանք գյուղացիներին հրամայում են լքել իրենց տները»:
