Ռուսաստանի իշխանությունները հայտարարել են Բրիտանիայի կառավարության անդամների, այդ թվում՝ վարչապետ Բորիս Ջոնսոնի մուտքը երկիր արգելելու մասին։
ՌԴ ԱԳՆ-ի հայտարարության մեջ ասվում է, որ այս որոշումն ընդունվել է «Բրիտանական կառավարության աննախադեպ թշնամական գործողությունների կապակցությամբ, որոնք արտահայտվել են, մասնավորապես, Ռուսաստանի Դաշնության բարձրաստիճան պաշտոնյաների դեմ պատժամիջոցների կիրառմամբ»։
Բրիտանական իշխանությունների ռուսաֆոբ կուրսը, որի հիմնական խնդիրն է մեր երկրի նկատմամբ բացասական վերաբերմունք հրահրել, երկկողմ կապերի խզումը գրեթե բոլոր ոլորտներում, վնասում է բուն Բրիտանիայի բնակիչների բարեկեցությանը և շահերին։ Պատժամիջոցների ցանկացած հարձակում անխուսափելիորեն կհարվածի դրանց նախաձեռնողներին և վճռական հակահարված կստանա։
Ռուսաստանի Դաշնություն մուտքի արգելքը վերաբերում է 13 անձի, այդ թվում՝ արդարադատության, պաշտպանության, ֆինանսների, արտաքին գործերի և ներքին գործերի նախարարներին, ինչպես նաև նախկին վարչապետ Թերեզա Մեյին, որն այժմ խորհրդարանի անդամ է։
Մեծ Բրիտանիան պատժամիջոցներ է սահմանել ռուս քաղաքական գործիչների, գործարարների և պետական լրատվամիջոցների ներկայացուցիչների նկատմամբ՝ Ուկրաինա Ռուսաստանի ներխուժումից հետո։ Մեծ Բրիտանիան նաև սեկտորային պատժամիջոցներ է ընդունել Ռուսաստանի Դաշնության դեմ, որոնք հիմնականում համընկնում են Միացյալ Նահանգների, Եվրամիության և մի շարք այլ երկրների կողմից ձեռնարկված սահմանափակող միջոցների հետ։
Աղբյուրը՝ Meduza-ի։
Թարգմանեց՝ Աստղ Խաչատրյանը։
