Ինչպես են ռուս էմիգրանտներն ազդում Հայաստանում կյանքի վրա

2022 թվականի փետրվարի վերջից տասնյակ հազարավոր մարդիկ լքել են Ռուսաստանը․ Հայաստանը դարձել է ամենասիրված ուղղություններից մեկը։

Forbes Life-ը զրուցել է զբոսաշրջության ոլորտի ներկայացուցիչների և Երևանի տեղի բնակիչների հետ այն մասին, թե ինչպես է ռուս էմիգրանտների ներհոսքն ազդում Հայաստանում փոքր բիզնեսի վրա և ինչ է փոխվել երկրում վերջին մեկուկես ամսվա ընթացքում

«Նովայա գազետա»-ի տվյալներով՝ Հայաստանում կա 50-100 հազար ՌԴ քաղաքացի։ Զբոսաշրջության կոմիտեն և ՀՀ էկոնոմիկայի նախարարությունը միայն «մշակում է ռուսների աճող հոսքի հետ կապված տեղեկատվությունը» երկիր, ուստի պաշտոնական տվյալներ դեռ չկան։ Սակայն մարտի 7-ին Հայաստանի Ազգային ժողովի տնտեսական հարցերով հանձնաժողովի նախագահ Վահե Հակոբյանը հայտնել է, որ օրական 6000 քաղաքացի Ռուսաստանից և Ուկրաինայից գալիս է Հայաստան։

Հայաստանի էկոնոմիկայի նախարարությունը ռուսների համար հատուկ ուղեցույց է հրապարակել, թե ինչպես կարելի է ընկերություն բացել տուն վարձել կամ գնել, և տեղափոխել ընտանի կենդանիներ, ինչպես նաև ստեղծել է աշխատանքային խումբ, որը պատասխանում է միգրանտների հարցերին։

Մարտի 9-ին Ռուսաստանում վերացվել են արտասահմանյան չվերթների COVID-19 սահմանափակումները, իսկ արդեն մարտի 15-ին հայկական ավիաընկերությունները դեպի Մոսկվա կանոնավոր չվերթները շաբաթական երկուսից դարձել են հինգ։

Հայաստանի ընտրությունը որպես արտագաղթի երկիր միանգամայն հասկանալի է. բացի տեղաբնակների բարյացակամ վերաբերմունքից, ՌԴ քաղաքացիների համար գործում է 180 օր առանց վիզայի ռեժիմ, ուղիղ թռիչքներ են գործում, երկիր կարող են մուտք գործել և՛ ռուսական և արտասահմանյան անձնագրով: Ճիշտ է, դեռ պարզ չէ, թե ռուսների հոսքը Հայաստանի համար ինչ ազդեցություն կունենա։

Գրիգ Հակոբյան