Իսպանիայի Լլորետ դե Մար քաղաքում մահացած են գտել Novatek-ի նախկին թոփ-մենեջեր Սերգեյ Պրոտոսենյային, նրա կնոջն ու դստերը։ Այս մասին հայտնում է Telecinco հեռուստաալիքը։
Հեռուստաալիքի տվյալներով՝ ընտանիքին պատկանող վիլլայի սենյակներում հայտնաբերվել են թոփ-մենեջերի կնոջ՝ Նատալյայի և 18-ամյա դստեր մարմինները՝ դանակահարված վնասվածքներով։ Ինքը՝ Պրոտոսենյայի մարմինը հայտնաբերվել է պարտեզում. նա մահացել է խեղդամահությունից, կողքին հայտնաբերվել է կացին և դանակ։
Telecinco-ի տվյալներով՝ թոփ մենեջերը իբր սպանել է կնոջն ու դստերը, ինչից հետո ինքնասպան է եղել։
Հեռուստաալիքի տվյալներով՝ Պրոտոսենի ընտանիքն ապրում էր Ֆրանսիայում, և նրանք Իսպանիա էին եկել Զատկի տոներին։ Novatek-ի նախկին թոփ-մենեջերի կարողությունը գնահատվում է 400 մլն եվրո, հաղորդում է հեռուստաալիքը։
ՏԱՍՍ-ի ոստիկանության մամուլի ծառայությունում հաստատել են, որ քննարկում են վարկած, ըստ որի՝ տղամարդը կարող էր սպանել կնոջն ու դստերը, ապա ինքնասպան լինել։ Նրանք մահացածների անունները չեն նշել՝ վկայակոչելով շարունակվող հետաքննությունը։
Նշենք, որ ապրիլի 18-ին Մոսկվայում մահացած են գտել Գազպրոմբանկի նախկին փոխնախագահ Վլադիսլավ Ավաևին, կնոջն ու անչափահաս դստերը։ Նախնական տվյալներով՝ բանկիրը սպանել է ընտանիքին, որից հետո ինքնասպան է եղել։
Թարգմանեց՝ Աստղ Խաչատրյանը։
