FLYONE ARMENIA ավիաընկերությունն իր ավիացիոն թիմը համալրելու նպատակով ապրիլի 21-ին, կազմակերպել է բաց դռների օր բորտուղեկցորդների համար:
Վ․ Բրյուսովի անվան պետական համալսարանում տեղի է ունեցել հավաքագրման առաջին փուլը, FLYONE ARMENIA ավիաընկերության խորհրդի նախագահ Արամ Անանյանը հանդես է եկել բացման խոսքով և Սոցիալական գիտությունների և սերվիսի ֆակուլտետի դեկան Ցոլակ Հակոբյանի հետ համատեղ տվել հավաքագրման մեկնարկը:
Հավակնորդ թեկնածուները նախապես անցել էին հայտագրման փուլը և ինքնակենսագրականներով ներկայացել հավաքագրման փուլին:
Հավաքագրումը անցկացվում էր FLYONE ARMENIA ավիաընկերության կադրերի բաժնի ղեկավար` Ագնեսա Ստեփանյանի և բորտուղեկցորդների ծառայության բաժնի տնօրեն՝ Արթուր Ռուսուի կողմից:
Հավաքագրման փուլին մասնակցում էին ինչպես Վ․ Բրյուսովի անվան պետական համալսարանի ուսանողները, այնպես էլ բոլոր այն հայտատուները, որոնք նախապես գրանցվել էին և իրենց ինքնակենսագրականներն ուղարկել էին FLYONE ARMENIA-ի էլ. հասցեին։
FLYONE ARMENIA ընկերության մասին
FLYONE ARMENIA-ն (www.flyone.am) հիմնադրվել է 2021 թ.։ Հոկտեմբերի 27-ին ՀՀ Քաղաքացիական ավիացիայի կոմիտեն FLYONE ARMENIA-ին տրամադրել է օդանավ շահագործողի վկայական: Ընկերությունը ստացել է IATA 3F երկնիշ և ICAO FIE եռանիշ ծածկագրերը:
FLYONE ARMENIA-ն առաջարկում է մատչելի թռիչքներ մի շարք ուղղություններով, ինչպիսիք են Մոսկվան, Փարիզը, Լիոնը, Ստամբուլը և Սոչին:
Ավիաընկերության նավատորմը բաղկացած է Airbus A320 ընտանիքի ինքնաթիռներից։ Դրանք նախատեսված են 180 նստատեղի համար և համապատասխանում են Օդային տրանսպորտի միջազգային ասոցիացիայի (IATA) և EASA Security-ի բոլոր չափանիշներին: Նաև` համաճարակի պայմաններում ինքնաթիռները հագեցված են HEPA օդային զտիչներով, որոնք ոչնչացնում են վիրուսների և բակտերիաների 99,97%-ը:
FLYONE-ը (www.flyone.eu) գործարկվել է 2016 թ․Մոլդովայի Հանրապետությունում և այժմ ավիացիոն շուկայի առաջատարներից է: FLYONE-ը ստացել է IOSA սերտիֆիկացում, որը գործառնական կառավարման անվտանգության բարձրագույն չափանիշ է, ինչպես նաև՝ 2018, 2019 և 2020 թթ․ FLYONE-ը բազմիցս ընդգրկվել է EMEA կատեգորիայում (Եվրոպա, Մերձավոր Արևելք և Աֆրիկա)՝ «Ամենաճշտապահ ընկերությունների» TOP-10-ում:
