Մոսկվան տակավին սպասում է ուկրաինացիների պատասխանին խաղաղություն հաստատելու վերաբերյալ Ռուսաստանի ներկայացրած գրավոր առաջարկին: Այդ հայտարարությամբ Կրեմլի խոսնակ Դմիտրի Պեսկովն արձագանքել է Ուկրաինայի նախագահ Վլադիմիր Զելենսկուն, ով երեկ ասել է, թե տեղեկություն չունի ռուսական կողմի առաջարկի մասին:
«Բանագնացների կազմը նույնն է, փորձագետները մշակում են նախագիծը, կրկնում եմ, ինչպես երեկ էի ասել՝ մեր պահանջները, դրանց վերջին տարբերակը, փոխանցվել են մյուս կողմին, ուստի, մենք պատասխանի ենք սպասում: Թեպետ, մենք լսել ենք, որ նախագահ Զելենսկին ասել է, թե ոչ մի տեքստ չի տեսել, և դա էլ է հարցեր հարուցում, քանի որ ոչ ոք Զելենսկուն չի զեկուցում մեր առաջարկների մասին»,- ասել է Ռուսաստանի նախագահ Վլադիմիր Պուտինի խոսնակը:
Ապրիլի 12-ին Պուտինն ասել է, թե բանակցությունները մտել են փակուղի: Կիևը մերժում է Ռուսաստանի կազմում Ղրիմի ընդգրկման հետ մերվելու և Դոնբասի երկու անջատողական կազմավորումների անկախությունը ճանաչելու Մոսկվայի պահանջը:
