Այսօր գլխավոր դատախազ Արթուր Դավթյանը ԱԺ պետական-իրավական հարցերի մշտական հանձնաժողովում ներկայացրեց տարեկան հաղորդումը: Անդրադառնալով 44 օրյա պատերազմին առնչվող քրեական գործերին՝ Արթուր Դավթյանն ասաց, որ տարվա ընթացքում վարույթում քննվել է պատերազմական հանցագործությունների վերաբերյալ 2150 քրեական գործեր, քրեական հետապնդում է իրականացվել 800 անձի վերաբերյալ, 55 անձ արդեն իսկ դատի են տրվել, կան համապատասխան դատավճիռներ:
«Արդեն իսկ ավարտված քրեական գործերով պատկերը պարզվել է, որ ցավոք պատերազմական գոևրծողությունների ընթացքում մեր զինված ուժերի ներկայացուցիչներ, սպաներ, այդ թվում բարձրաստիճան սպաներ մարտական ծառայության պարտականությունները պատշաճ չկատարելու դրսևորումներ են ունեցել: Մնացած գործերով նախաքննությունը շարունակվում է, բոլորս նախանձախնդիր ենք այդ գործերով առավելագույնս օբյեկտիվ ճշմարտությունը բացահայտելու և հանցավոր խախտումներ թույլ տված և հատկապես պատերազմի ցավալի ելքով պայմանավորված կամ այդ ելքին հանգեցրած հանցավոր խախտումներ թույլ տված յուրաքաչյուրի պատասխանատվությունը հասնելուն»,-ասաց նա և նշեց, որ այդ մարդկանց թվում կան զորամասի հրամանատարներ,կ գումարտակի հրամանատարներ նաև գլխավոր շտաբի բարձրաստիճան ներկայացուցիչներ:
Արթուր Դավթյանը ներկայացրեց նաև, որ քննությունը պարզել է, որ թույլ է տրվել Ադրբջանի ռազմաքաղաքական ղեկավարության զինծառայողների կողմից միջազգային մարդասիրական իրավունքի կոպիտ խախտումներ, կոնկրետ դեպքերում կանխամտածված թիրախավորվել են բնակավայրերը, քաղաքացիական անձանց սպանություն է իրականացվել, արգելված զինատոեսակներ են օգտագործվել, հունիս հուլիս ամիսներից սկսած իրականացվել են վարձկալների հավաքագրումներ: «Հենց մեր ձերբակալված սիրիացի վարձկանների ցուցմունքների մեջբերմամբ, եթե ասեմ ,հենց հատուկ լեռնային հատվածներում հատոուկ պատաստվածություն են անցել , հրահանգավորումեն ունեցել թիրախավորելու, սպանելու, խոշտանգելու բնակայրերում գտնվող քաղաքացիական բնակչությանը»,-ասաց նա և նշեց, որ արդյունքում այդ անձիք դատապարտվել են և երկուսն էլ ցմահ ազատազրման են ենթարկված:
Արթուր Դավթյանը հայտնեց, որ պատերազմական հանցագորոծթոււնների մասով այս պահին շուրջ 60 քրեական հետապնդման ենթարկված ադրբեջանական ռազմաքաղաքական ղեկավարների ներկայացուիչներ կան:
