Այսօր կառավարության հերթական նիսին ՀՀ վարչապետ Նիկոլ Փաշինյանը անդրադարձավ ՌԴ՝ իր երկօրյա այցին: «Այս ֆոնին ուզում եմ վերահաստատել ՀՀ պատրաստակամությունը օր առաջ մեկնարկել արևելքը արևմուտքին կապող երկաթուղագծի և ավտոճանապարհների շինարարությունը ՀՀ տարածքով: Հույս ունեմ այս հարցով զբաղվող եռակողմ աշխատանքային խումբը առաջիկայում կկարողանա պրոցեսը մեկնարկելու համար անհրաժեշտ փաստաթղթեր մշակել և համաձայնեցնել»,-ասաց նա:
Վարչապետը դիտարկելով վերջին շրջանի միտումներն, ասաց, որ ԵԱՀԿ Մինսկի խմբի համանախագահության լուծարման մասին գնահատականները հիմնավորված չեն:
«Մենք հստակ տեսնում ենք որ համանախագահող բոլոր երկրները Լեռնային Ղարաբաղյան կարգավորման իրենց մանդատին հավատարիմ են մնում՝ չնայած այն հանգամանքին, որ Ուկրաինայում ծավալվող իրադարձությունները համանախագահների համատեղ գործունեության համար դժվարություններ են ստեղծել, բայց նույնիսկ այն, որ այս պայմաններում համանախագները գործում են, այցելում են տարածաշրջան լավատեսության շոշափելի հիմքեր են տալիս»,-ասաց նա:
Վարչապետն ասաց, որ այս ֆոնին չափազանց կարևոր է Լեռնային Ղարաբաղի անվտանգության ապահավումոը, որի առանցքային բաղկացուցիչ է Լաչինի միջանցքի անխափան գործունեությունը: Այս առումով ԼՂ-ում ՌԴ խաղաապահ զորախմբի ներդրումը անուրանալի է, մյուս կողմից մի շարք դրվագներում մենք տեսնում ենք խաղապահների գործունեության արդյունավետությունը բարձրացնելու անհրաժեշտություն:
Նա անհանգստացնող համարեց Փառուխի դեպքերը և հույս հայտնեց, որ խաղաղպահ զորախումբը կապահովի ադրբեջանական ստորաբաժանումների լիարժեք դուրսբերումը:
