ՀՀ Ազգային ժողովի «Քաղաքացիական պայմանագիր» խմբակցության պատգամավոր Նարեկ Ղարհամանյանն անդրադարձել է այսօր ջահերով երթի ժամանակ կազմակերպիչների հնչեցրած քաղաքական ելույթներին:
Պատգամավորը գրել է, որ ցավով է արձանագրում, և այն խոր հիասթափություն առաջացնող փաստ է:
«Հայաստանում կան քաղաքական ուժեր և անհատներ, որոնք իրենց քաղաքական նպատակներին հասնելու համար ոչ միայն շարունակում են շահարկել Արցախյան հիմնահարցը, այլև փորձում են այդ նպատակներին հասնելու ճանապարհին օգտագործել համազգային սգի և համախմբման օր հանդիսացող ապրիլի 24-ը, ինչը, ըստ իս, խոսում է վերջիններիս բարոյական արժեքներից զուրկ լինելու մասին»,- գրել է Ղարհամանյանը:
Վերջինս հետգրությամբ հավելել է. «Տականքների վերջին հանգրվանը հայրենասիրությունն է: Սեմուել Ջոնսոն 1775թ.»:
