ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը, որը մեկ շաբաթից ավելի է՝ նստացույց է իրականացնում Երևանի Ազատության հրապարակում, իր աջակիցների հետ միասին ինքնագլորներով (սամակատ) իրազեկման ակցիա են իրականացրել:
Նստացույց հայտարարելու առաջին օրերին էլ Վանեցյանին քաղաքացիներից մեկն իր հեծանիվն էր առաջարկել վարել: Վերջինս չէր հրաժարվել և դրանով շրջել էր Ազատության հրապարակում:
«Նկարեք, Վանեցյանը՝ իմ հեծանիվով, իսկ Ալեքսանդր Մակեդոնացին՝ իր ձիով: Էս «Խամեռ»-ը քշի: Ֆռա, Վանեցյան, ֆռա, երեք անգամ Հովհաննես Թումանյանի կողքով ֆռա: Ես տալիս եմ իմ սիրտը, որ մի մատով միասին թուրքերին վերացնենք: Ես կլինեմ քո խորհրդատուն, դու կղեկավարես երկիրը, կամ ես կղեկավարեմ, դու կլինես խորհրդատուն»,- ասել էր հեծանիվը առաջարկած քաղաքացին:
