Հյուսիսային Կորեայի ղեկավար Կիմ Չեն Ունը հայտարարել է, որ շարունակելու են միջոցներ ձեռնարկել երկրի միջուկային ուժերը առավելագույն արագությամբ զարգացնելու համար։
Նա հայտարարել է, որ Փհենյանը հարձակման վտանգի դեպքում կարող է միջուկային զենք օգտագործել կանխարգելիչ նպատակով, միաժամանակ կոչ անելով ցանկացած պահի համար լիովին պատրաստ լինել։
Կիմ Չեն Ունը այս հայտարարություններով հանդես է եկել երեկ երեկոյան Փհենյանում անցկացված զինվորական շքերթին, որը նվիրված էր երկրի բանակի ստեղծման 90-ամյակին։
Այսօր լույս տեսած թերթերը տարբեր սպառազինությունների լուսանկարներ են հրապարակել։ KCNA պետական լրատվական գործակալությունը հաղորդել է, որ զինվորական շքերթում ցուցադրվել է Հյուսիսային Կորեայի ամենամեծ՝ Hwasong-17 միջմայրցամաքային բալիստիկ հրթիռը։
Hwasong-17-ը առաջին անգամ փորձարկվել է անցած ամսին։ Հարավային Կորեայի պաշտոնյաների պնդմամբ՝ փորձարկումը ձախողվել էր։ Հրթիռը պայթել էր Փհենյանի երկնքում։
Միացյալ Նահանգներն ու Հարավային Կորեան նշում են, որ Հյուսիսային Կորեայի միակ հայտնի միջուկային փորձադաշտը վերակառուցելու նշաններ կան։ 2018-ից փակված այդ փորձադաշտի վերակառուցումը թույլ է տալիս ենթադրելու, որ Փհենյանը պատրաստվում է վերականգնել միջուկային զենքի փորձարկումները։
Հյուսիսային Կորեան գտնվում է միջազգային խիստ պատժամիջոցների տակ, քանի որ ՄԱԿ-ի Անվտանգության խորհուրդը արգելել է Հյուսիսային Կորեայի բալիստիկ հրթիռների փորձարկումներն ու միջուկային ծրագրերը, բայց Փհենյանը շարունակում է դրանք։
Աղբյուրը՝ Azatutyun.am:
Իրանը բալիստիկ հրթիռներ է արձակել Իսրայելի ուղղությամբ։ Իսրայելի բանակը պաշտոնապես հաստատել է հրթիռների արձակման փաստը և…
Ամբողջ աշխարհում հոկտեմբերը նշվում է` որպես կրծքագեղձի քաղցկեղի իրազեկման ամիս: Նպատակն է բարձրացնել հանրության տեղեկացվածությունը…
Ազդարարման համապետական արշավի շրջանակներում՝ ավելի քան 300 ՏԻՄ ներկայացուցիչների հետ անցկացվել են իրազեկման միջոցառումներ ՀՀ…
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր հանդիպել է 2024-2025 թթ. «Սփյուռքի…
Հայաստանի համար Իրանը եղել եւ մնում է առանձնահատուկ գործընկեր, որն իր հավասարակշռված քաղաքականությամբ նպաստում է…
Առանձին լրատվամիջոցներ, առանց հարկ համարելու իրավասու մարմնից՝ ՀՀ քննչական կոմիտեից, անհրաժեշտ ճշտումներ կատարելու, ՀՀ քննչական…