Ավստրիայի կանցլեր Կառլ Նեհամերը համաձայնել է գազի դիմաց «Գազպրոմին» վճարել ռուբլով, ինչպես պահանջում է ռուսական կողմը, չորեքշաբթի հայտնել են ավստրիական լրատվամիջոցները։
Նշվում է, որ որոշումն ընդունվել է Nord Stream 2 նախագծում ներգրավված ավստրիական OMV ընկերության հետ համաձայնությամբ։
Ավելի վաղ հայտնել էինք, որ ՌԴ-ն ամբողջությամբ դադարեցրել է գազի մատակարարումը Բուլղարիա և Լեհաստան։
ՌԴ նախագահի հրամանագրով 2022 թվականի ապրիլի 1-ից հետո օտարերկրյա գործընկերներին մատակարարվող ռուսական գազի դիմաց վճարումը պետք է կատարվի բացառապես ռուբլով։ Հակառակ դեպքում մատակարարումները դադարեցվում են:
Եվրամիությունը շանտաժ է համարել Եվրոպայի որոշ ընկերություններին ռուսական գազի մատակարարումների դադարեցումը: «Բրյուսելը պատրաստ էր այս սցենարին և պլանավորում է համակարգված արձագանք»,- ասել է Եվրահանձնաժողովի ղեկավար Ուրսուլա ֆոն դեր Լայենը։
