ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքը պատրաստ է իր կազմում ընդգրկել Ֆինլանդիան և Շվեդիան։ BBC-ի փոխանցմամբ՝ Բրյուսելում կայացած մամուլի ասուլիսի ընթացքում Ստոլտենբերգը հայտնել է, որ ՆԱՏՕ-ին միանալու պաշտոնական գործընթացն արագ կկազմակերպվի, եթե Ֆինլանդիան և Շվեդիան որոշեն դիմել անդամության համար։
Միևնույն ժամանակ ՆԱՏՕ-ի գլխավոր քարտուղարը հավելել է, որ դիմելու և պաշտոնական վավերացման գործընթացների միջակայքում Դաշինքը երկու երկրներին էլ աջակցություն կցուցաբերի։
Ստոլտենբերգը լրագրողներին ասել է, որ մտադիր է այսօր ավելի ուշ խոսել Ֆինլանդիայի նախագահի հետ։
Ավելի վաղ հայտնել էինք, որ Շվեդիան և Ֆինլանդիան, ենթադրաբար, արդեն մայիսի կեսերին ՆԱՏՕ-ին միանալու հայտեր կներկայացնեն:
Նշենք, որ ՌԴ փոխարտգործնախարար Ալեքսանդր Գրուշկոն հայտնել է, որ Շվեդիայի և Ֆինլանդիայի մուտքը Հյուսիսատլանտյան դաշինք լրջորեն կվատթարացնի իրավիճակը ռազմական ոլորտում և կհանգեցնի ամենաանցանկալի հետևանքների։
