Ընդդիմադիր մի քանի ակտիվիստներ փորձել են մուտք գործել Հայաստանի ազգային ագրարային համալսարան, որպեսզի ուսանողներին կոչ անեն միանալ իրենց ակցիաներին: Վերջիններիս մուտքը, սակայն, անվտանգության աշխատակիցն արգելել է:
«Հավաքի էս խառախուռեքին, ուղարկի ստեղից»,- դիմելով ակցիայի մասնակիցներից մեկին՝ ասել է նա:
Ակցիա իրականացնողների թվում է եղել համալսարանի դասախոսներից մեկը, որը շարունակ պնդել է, թե դասամիջոց է, և երեխաներն իրավունք ունեն մտնելու համալսարան: Այնուամենայնիվ, անվտանգության աշխատակիցը թույլ չի տվել:
Նշենք, որ մի քանի օր է՝ մայրաքաղաքում ընդդիմությունն անկանոն գործողություններ է իրականացնում: Վերջիններս նաև այցելում են համալսարաններ: Մի շարք կրթական հաստատություններում նրանց մուտքը արգելվում է, քանի որ խանգարում են դասապրոցեսը:
