Այսօր Երևանի հին և նոր էկոակտիվիստները, էկոնոմիկայի նախարարության աշխատակիցներն ու այլ ընկերներ մաքրել են Սարյան փողոցի մի փոքր հատված` համապետական շաբաթօրյակի շրջանակում։
Այս մասին տեղեկացնում է ՀՀ էկոնոմիկայի նախարար Վահան Քերոբյանը՝ շնորհավորելով քաղաքացու օրվա առթիվ:
«Մեզ անհրաժեշտ է կտրուկ փոխել վերաբերմունքը սեփական տան ու երկրի նկատմամբ, մաքուր պահել, սիրել բնությունը, մարդկանց և կենդանիներին, լինել կարգապահ ու պատասխանատու։
Ունենալ շատ երեխա և անընդհատ սովորել ու զարգանալ, չամաչել ընդունել սեփական թերությունները, այլ ընդունել դա և աճել։
Հատուկ ուզում եմ շնորհակալություն հայտնել նոր երևանցիներին` այս հարցը սրելու ու մեր երկիրը մաքրելու ջանքերի համար։ Շնորհավոր Քաղաքացու օրը»,- գրել է Քերոբյանը: