Հուսով եմ՝ Մայր Աթոռը հնարավորինս շուտ կհերքի մամուլի հրապարակումները. Վ. Ալեքսանյան

ՀՀ Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանը գրառում է կատարել՝ անդրադառնալով մամուլում շրջանառվող լուրերին, ըստ որոնց՝ ընդդիմությունը վաղվա հանրահավաքի առաջին շարքերում նախատեսել է հոգևորականներին կանգնացնել՝ այդպիսով նրանց կենդանի վահան դարձնելով:

Պատգամավորը հույս է հայտնել, որ Մայր Աթոռից կհերքեն շրջանառվող լուրերը:

«Հուսով եմ՝ Մայր Աթոռը հնարավորինս շուտ կհերքի մամուլի հրապարակումներն այն մասին, որ վաղը եկեղեցու սպասավորները պիտի վահան դառնան հրձիգ խուլիգանախմբերի սադրանքների և նրանց հրահրած բախումների համար»:

Վստահ եմ՝ ինչ էլ որ պլանավորած լինի Թալանի փրկության շարժումը Եկեղեցու թիկունքում, դա կկանխվի Մայր Աթոռի սաստող և այդ սադրանքին մասնակից չդառնալու մասին հայտարարությամբ»,- գրել է Ալեքսանյանը: