Թալանը հետ բերելու համար կարիք չկա իշխանության գալ. Իոաննիսյանը՝ ընդդիմությանը

Նախկին իշխանության ներկայացուցիչները հայտարարել են, որ ուզում են «գան իշխանության, որ թալանը հետ բերեն»։

Այս մասին գրել է «Իրազեկ քաղաքացիների միավորում» հասարակական կազմակերպության համակարգող Դանիել Իոաննիսյանը՝ շարունակելով.

«Ինչ խոսք, թալանը ետ բերելը ողջունելի է։ Բայց դրա համար կարիք չունեն իշխանության գան, պարզապես, թող թալանվածը հանձնեն գանձապետարան և պետգույքի կառավարման վարչություն»:

Հիշեցնենք՝ ԱԺ փոխխոսնակ, ՀՅԴ-ական Իշխան Սաղաթելյանը օրերս հանրահավաքի ժամանակ հայտարարել էր, որ եթե գան իշխանության, կատարելու են այն բոլոր խոստումները, որոնք գործող իշխանությունը, ըստ Սաղաթելյանի, չի կատարել՝ սկսած թալանը հետ բերելուց: