Կիրակի օրը մեկնարկում են Defender Europe և Swift Response 2022 միջազգային զորավարժությունները ՆԱՏՕ-ի և գործընկեր երկրների զինծառայողների մասնակցությամբ։ Այս մասին հայտնում է Լեհաստանի ազգային պաշտպանության նախարարությունը։
Զորավարժությունները կշարունակվեն մինչև մայիսի 27-ը։
«Զորավարժություններին, որոնք կանցկացվեն Լեհաստանի և ևս ութ երկրների տարածքում, կմասնակցեն 18 հազար զինվոր ավելի քան 20 երկրներից, այդ թվում՝ մոտ 7 հազար զինվոր և 3 հազար տեխնիկա կմասնակցի Լեհաստանի տարածքից»,- հայտնել է գործակալությունը։
Ինչպես ընդգծել են հանրապետության պաշտպանության նախարարությունում, դրանք «ցիկլային պաշտպանական զորավարժություններ են, որոնք ուղղված չեն որևէ պետության դեմ և առնչություն չունեն տարածաշրջանում տիրող աշխարհաքաղաքական իրավիճակին»։
Նշվում է, որ ԱՄՆ Զինված ուժերի կողմից կազմակերպված զորավարժությունների հիմնական նպատակն է բարձրացնել պատրաստվածությունը և բարելավել փոխգործակցությունը ՆԱՏՕ-ի և ԱՄՆ-ի դաշնակիցների և գործընկերների միջև։