Օլեգ Տինկովն ասել է, որ Тинькофф բանկի իր մասնաբաժինը վաճառել է իշխանությունների ճնշման ներքո

Ռուս գործարար Օլեգ Տինկովը New York Times-ին տված հարցազրույցում ասել է, որ իշխանությունների ճնշման ներքո վաճառել է Тинькофф բանկի իր մասնաբաժինը:

Բանկիրը պնդում է, որ Instagram-ում հրապարակված գրառման հաջորդ օրը (նա հրապարակել է ապրիլի 19-ին), որում նա կոշտ քննադատության է ենթարկել Ուկրաինայում Ռուսաստանի իշխանությունների ռազմական գործողությունները, ՌԴ նախագահ Վլադիմիր Պուտինի վարչակազմը կապվել է Тинькофф բանկի ղեկավարության հետ և սպառնացել ազգայնացնել այն, եթե Տինկովը չխզի իր հետ կապերը։

Անցյալ շաբաթ Վլադիմիր Պոտանինի Interros խումբը Օլեգ Տինկովի ընտանիքից գնեց ռուսական Тинькофф խմբի մայր կառույցի՝ TCS Group Holding-ի 35% բաժնետոմսերը։ Ռուսաստանի բանկը հավանություն է տվել գործարքին, դրա պարամետրերը չեն բացահայտվել։

Բանկիրը նույնպես չի հայտնել գործարքի գումարը, սակայն ասել է, որ իր մասնաբաժինը վաճառել է «կոպեկով»։ Տինկովը գործարքն անվանել է «հուսահատ վաճառք, զեղչով վաճառք», որը նրան պարտադրել է Կրեմլը։

«Ես չէի կարող քննարկել գինը: Սա պատանդի վիճակ է. դուք վերցնում եք այն, ինչ ձեզ առաջարկում են առանց բանակցությունների», – ասել է Օլեգ Տինկովը հրատարակությանը տված հարցազրույցում։

Գործարարը հեռախոսով խոսել է New York Times-ի լրագրողների հետ, չի հայտնել, թե որտեղ է գտնվում։ Նա նաեւ ասել է, որ թիկնապահներ է վարձել՝ վախենալով իր կյանքի համար։

Կրեմլը չի ​​պատասխանել New York Times-ի մեկնաբանության խնդրանքին: Тинькофф բանկըը, որը Տինկովը հիմնել է 2006 թվականին, հայտարարել է, որ բանկի ղեկավարության համար սպառնալիքներ չկան։

Նույն օրը, երբ Տինկովը հրապարակեց իր գրառումը, բանկում ասացին, որ «Օլեգ Տինքովը երկար տարիներТинькофф խմբի ընկերություններում որոշումներ կայացնող չէ, և գործարարի հայտարարությունը Ուկրաինայի պատերազմի մասին իր անձնական կարծիքն է։

Եվ մի քանի օր անց, Օլեգ Տինկովի մասնաբաժինը վաճառելու գործարքից առաջ, բանկը հայտարարեց, որ 2022 թվականին Тинькофф-ը կվերաբրենդավորվի և կդադարեցնի հին ապրանքանիշի օգտագործումը։

Մարտին Մեծ Բրիտանիան անձնական պատժամիջոցներ սահմանեց Օլեգ Տինկովի և մոտ 60 այլ ռուս անհատների և ընկերությունների նկատմամբ՝ կապված Ուկրաինա Ռուսաստանի ռազմական ներխուժման հետ։

Աղբյուրը՝ currenttime.tv:

Թարգմանեց՝ Աստղ Խաչատրյանը։