Դանիան և Շվեդիան հայտնել են, որ ռուսական հետախուզական ինքնաթիռը խախտել է երկու երկրների օդային տարածքը։
Միջադեպի կապակցությամբ երկու երկրներն էլ կանչում են Ռուսաստանի դեսպաններին։
Դանիայի պաշտպանության հրամանատարությունը AFP-ին հայտնել է, որ ռուսական հետախուզական ինքնաթիռը Դանիայի օդային տարածքում է եղել «շատ կարճ ժամանակով», և որ դանիական F-16 կործանիչները «անմիջապես միջամտել են»։
Դանիայի արտաքին գործերի նախարարը հայտարարել է, որ երկրի օդային տարածքի խախտումը «միանգամայն անընդունելի է և հատկապես մտահոգիչ ներկա իրավիճակում»։ Դանիան ՆԱՏՕ-ի անդամ է, իսկ Շվեդիան որոշում է անդամակցել դաշինքին:
Աղբյուրը՝ Azatutyun.am:
