«Իշխանությունը հակաիշխանության անկարողության ու հիասթափության սերմանման միջոցով ավելի լավ կտեղավորվի աթոռին, ինչպես միշտ, բայց դրանից ոչինչ չի փոխվի Հայասատանի արտաքին կուրսի վրա, դրանից բանակը չի դառնա պրոֆեսիոնալ և ավելի ուժեղ, դրանից բազմաթիվ այլ հիմնախնդիրներ չեն լուծվի:
Իսկ ինչու՞ չի միանում ժողովուրդն իրենց: Հստակ է՝ իրենք հույզերի, փողի, թալանը պահելու, և որ ամենակարևորն է՝ ռուսական ոչ բարով բարեկամական երկրին ծառայություն են մատուցում, որպեսզի կորզեն կամայական, հնարավոր ինքնուրույնություն, որը կարող է ցուցաբերել գործող իշխանությունը: Ժամանակը վերից վար բացահայտել է մեր պետության և ժողովրդի նպատակները խոչընդոտող ուժերին, անհատներին: Մնում է՝ այս խաղերից զերծ մնացած, այս խաղերին մասնակցել չկամեցող առողջ անհատների մոբիլիզացում լինի, որը պայքարի այլ ուղի մատնացույց կանի ժողովրդին:
Ես տեսնում եմ այդ գործընթացները: Նույնիսկ, եթե չբացառենք հակաիշխանության տապալումը, նույնիսկ եթե որևէ կերպ հաջողություն գրանցեն, միևնունն է նշածս գործընթացը տեղի է ունենալու: Թեկուզև վստահաբար կարող եմ ասել, որ դրան այլընտրանք, շեղում, փուչիկներ կան և լինելու են դաշտում, որից պաշտպանվելն ու տարբերվելը շատ տրիվիալ ձև ունի:
Հ.Գ. Հակաիշխանության այսօրվա հայտարարության կոնսպեկտը.«Մենք հասանք մեր նպատակին՝ տոտալ բլոկադա արեցինք քաղաքը, ոստիկանությունը բռնություն կիրառեց մեր դեմ:Մենք ավելի քիչ ենք այսօր, բայց բյուրեղացանք՝ ժեխն ու դավաճանները մեզ պետք չեն»:
Իրականում իրենք խցանումներ առաջացրեցին ընդամենը և գրգռեցին մարդկանց ի հակառակ իրենց, իսկ ոստիկանությունը իրենց հանդեպ ուժ կիրառեց, ինչպես որ իրենք տարբեր դրվագներում ահաբեկումով, անթույլատրելի արտահայտություններով, նաև որոշ դրվագներում բռնություն ու սպառնալիքներ են կիրառում շարքային քաղաքացիների վրա»,-գրել է Ազատ Թիվիի գլխավոր խմբագիր Նարեկ Այվազյանը։