Երբ հանրության՝ քեզ չսատարող, քո տեսակետները չկիսող և քեզ չմիացող հատվածին ասում ես «ջհանդամին գաք», պետք է պատրաստ լինես նաև համարժեք պատասխանի նույն հանրության կողմից։
Այս մասին գրել է ՀՀ վարչապետի աշխատակազմի ղեկավարի տեղակալ Տարոն Չախոյանը՝ շարունակելով.
«Կոչեր եք անու՞մ՝ ջհանդամին անեք։
Իշխանություն եք ուզու՞մ՝ ջհանդամին ուզեք։
Սա է լինելու հանրության համարժեք պատասխանը ջհանդամադիմությանը»։
Նշենք, որ քաղաքացիներին նման կերպ էր դիմել ՀՀ Ազգային ժողովի «Հայաստան» խմբակցության պատգամավոր Գեղամ Նազարյանը՝ երեկ ելույթ ունենալով ընդդիմության կազմակերպած հանրահավաքի ժամանակ՝ ասելով.
«Շնորհակալ եմ բոլորից, ովքեր այստեղ ենմ: Ես բոլոր ելույթ ունեցողներին խնդրում եմ, այլևս որևէ մեկին չասեք՝ եկեք, միացեք, էս արեք, էն արեք, բարուր երեխեք չեն, ուզում են՝ միանան, ուզում են՝ չմիանան: Այլևս չխնդրեք, չեն ուզում թող չգան:
Չեն գալիս, ջանդամը գան, թող գնան, ուր ուզում են գնան… Չեն ուզում, թող չգան, ավելի լավ, եթե էդ տեսակը չի գալու, ուրեմն ավելի լավ: Ով գալու է, կմիանա, էսօր կմիանա, գիշերը կմիանա»: