«Իսպանիայի վարչապետի և Պաշտպանության նախարարի հեռախոսներում իսրայելական արտադրության Pegasus լրտեսական ծրագիր է տեղադրված եղել», – այսօր Մադրիդում կայացած ճեպազրույցի ժամանակ հայտարել է Իսպանիայի կառավարության անդամներից Ֆելիքս Բոլանոսը։
Իսպանացի պաշտոնյայի խոսքով՝ հատուկ ծառայությունները ենթադրում են, որ հարձակման հեղինակը Իսպանիայի տարածքում գործող հաքերային խմբավորումներն են։
«Կառավարությունը արդարադատության համակարգի պատասխանատուներին տեղեկացրել է Ազգային կրիպտոլոգիական կենտրոնից ստացված երկու տեխնիկական զեկույցների մասին, որոնց համաձայն, վարչապետի և պաշտպանության նախարարի հեռախոսները ախտահարված են եղել Pegasus ծրագրով։ Այդ ծրագիրը, ինչպես գիտեք, կողմնակի անձանց հնարավորություն է տալիս ծանոթանալ հեռախոսներում առկա բովանդակությանը», – հայտարարել է իսպանացի նախարարը։
Իսպանական կառավարության տվյալներով՝ վարչապետ Պեդրո Սանչեսի հեռախոսը հարձակման է ենթարկվել 2021 թվականի մայիսին, իսկ պաշտպանության նախարար Մարգարիտա Ռոբլեսինը՝ նույն թվականի հունիսին։
Աղբյուրը՝ Azatutyun.am:
Հոկտեմբերի 8-ին Բեռլինում ՀՀ ԱԳ նախարարի տեղակալ Վահան Կոստանյանը մասնակցել է Բեռլինի Կլիմայի և անվտանգության…
Վրաստանի նախագահ Սալոմե Զուրաբիշվիլին դեմ չէ երկրորդ ժամկետով վերընտրվելուն, եթե ընդդիմությունը հաղթի հոկտեմբերի 26-ին կայանալիք…
ՀՀ վարչապետի մամուլի քարտուղար Նազելի Բաղդասարյանը իր էջում մանրամասներ է հայտնել Փաշինյան-Պուտին հանդիպումից: «Վարչապետ Փաշինյանը ՌԴ…
Պրագմատիկ քաղաքականությունը և Ռուսաստանի հետ հակամարտության խաղաղ կարգավորումը գլխավոր առաջնահերթություններից են. հայտարարել է Վրաստանի վարչապետ…
Իտալիայի հավաքականի, «Ինտերի», «Յուվենտուսի» և «Նապոլիի» նախկին ֆուտբոլիստ Ֆաբիո Կանավարոն խոսել է իտալական A սերիայի…
Վարչապետի մամուլի խոսնակ Նազելի Բաղդասարյանը մանրամասներ է հայտնել Նիկոլ Փաշինյանի և Վլադիմիր Պուտինի հետ հանդիպումից։…