ՀՅԴ անդամ Գերասիմ Վարդանյանը ձերբակալվել է: Այս մասին լրատվամիջոցների հետ զրույցում ասել է Վարդանյանի պաշտպան Բենիկ Գալստյանը:
Վերջինս, սակայն, դժվարացել է նշել, թե կոնկրետ ի՞նչ հիմքով է Գերասիմ Վարդանյանը ձերբակալվել: Նա միայն հայտնել է, որ ավելի ուշ մանրամասն տեղեկություններ կփոխանցի։ Պաշտպանը նաեւ հավելել է՝ դեռեւս տվյալ չունի՝ արդյոք ՀՅԴ անդամին կալանավորելու միջնորդություն ներկայացվե՞լ է դատարան:
Նշենք, որ Գերասիմ Վարդանյանն անցնում է 2020 թվականի նոյեմբերի 9-ի լույս 10-ի գիշերը Կառավարության եւ Ազգային ժողովի շենքեր ներխուժման գործով: