Տեղի է ունեցել Հայաստանի արտգործնախարար Արարատ Միրզոյանի ու ԱՄՆ պետքարտուղար Էնթոնի Բլինքենի հանդիպումը։ Այս մասին հաղորդում է Հայաստանի արտգործնախարարության մամուլի խոսնակը:
Վահան Հունանյանի գրառման մեջ մանրամասներ առայժմ չեն փոխանցվում:
Հայաստանի արտաքին քաղաքական գերատեսչության ղեկավարը Միացյալ Նահանգներում է մայիսի 2-6-ը աշխատանքային այցով՝ մասնակցելու Հայ-ամերիկյան ռազմավարական երկխոսության նիստին:
Միրզոյանը նաև հանդիպել է պետքարտուղար Բլինքենի, USAID տնօրեն Սամանթա Փաուերի հետ, նախատեսվում են հանդիպումներ ԱՄՆ նախագահի հատուկ օգնական Ամանդա Սլոթի, Կոնգրեսի բարձրաստիճան ներկայացուցիչների հետ, ելույթ հեղինակավոր վերլուծական կենտրոններից մեկում՝ Ատլանտյան խորհրդում։
