Մայրաքաղաքի փողոցներում այս առավոտ խաչմերուկներ փակելու գործողություններ են իրականացվել:
Ոստիկանության հրատապ և համարժեք գործողությունների շնորհիվ խաչմերուկներն արագ բացվել ու խցանումները վերացվել են:
Այս մասին հայտնում են ՀՀ ոստիկանության տեղեկատվության և հասարակայնության հետ կապերի վարչությունից՝ նշելով, որ այս պահին մայրաքաղաքի փողոցներում կանոնավոր երթևեկությունը վերականգնված է:
Հիշեցնենք՝ այսօր վաղ առավոտից Երևանի փողոցներում ընդդիմադիրները շարունակում են անկանոն ակցիաները: Փակվել են որոշ փողոցներ, որոնք ազատելու համար ոստիկանները մի քանի տասնյակ անձանց են բերման ենթարկել: