Լրագրողներ առանց սահմանների (Reporters sans frontières (RSF) կազմակերպությունը հրապարկել է մամուլի ազատության 2022 թվականի զեկույցը, որտեղ ընդգրկված են180 երկիր ու տարածքներ։ Հարավ-Կովկասյան տարածաշրջանում առաջատար Հայաստանը 51-րդ տեղում է։
Վրաստանը 89-րդն է, իսկ Ադրբեջանը՝ 154-րդ տեղում է, այդ շարքում են նաև Բելառուսն ու Ռուսաստանը։
Հայաստանի մասին զեկույցում նշված է, որ չնայած բազմակարծությանը, լրատվամիջոցները մնում են բևեռացված։
«Երկիրը բախվում է աննախադեպ մակարդակի ապատեղեկատվության և ատելության խոսքի հետ, մասնավորապես կապված Հայաստանի և Ադրբեջանի միջև Լեռնային Ղարաբաղի տարածքային վեճի հետ», – ասված է զեկույցում։
Աղբյուրը՝ Azatutyun.am:
