Շվեդիան և Ֆինլանդիան դեռ չեն կողմնորոշվել ՆԱՏՕ-ին անդամակցելու հարցում
Գերմանիայի կառավարության հետ Ֆինլանդիայի և Շվեդիայի վարչապետերի դռնփակ հանդիպումից հետո պարզ դարձավ, որ այդ երկու երկրները դեռ չեն կողմնորոշվել ՆԱՏՕ-ին անդամակցելու հարցում։
Բեռլինում կառավարական հյուրատանն անցկացված հանդիպմանը հաջորդած մամուլի համատեղ ասուլիսում Գերմանիայի կանցլեր Օլաֆ Շոլցն ասել է․ «եթե այս երկու երկրները որոշեն անդամակցել ՆԱՏՕ-ին, ապա կարող են ակնկալել մեր աջակցությունը։ Կառավարության անդամները այստեղ անցկացված բանակցություններւմ այդ մասին հստակ հայտարարել են, և կարծում եմ` դա կարևոր ազդակ է»։
Ֆինլանդիայի վարչապետ Սաննա Մարինի խոսքերով՝ քանի որ Ռուսաստանը սխալմամբ պնդում է ուրիշների ընտրությունը թելադրելու իրավունքը, ՆԱՏՕ-ի բաց դռների քաղաքականությունը էլ ավելի կարևոր է բոլորիս համար։
Նա ասել է, որ ՆԱՏՕ-ին անդամակցելու հարցը քննարկվում է խորհրդարանում․ «ՆԱՏՕ-ին միանալու կամ չմիանալու Ֆինլանդիայի որոշումը հիմնված կլինի մեր ընդհանուր անվտանգությանը նպաստելու մեր կամքի վրա»։
Շվեդիայի վարչապետ Մագդալենա Անդերսոնը ասել է, որ Շվեդիայի խորհրդարանը ներկա պահին քաղաքական բոլոր ուժերի հետ վերլուծում է անվտանգային քաղաքականությունը, արդյունքները կներկայացվեն մայիսի 13-ին։
«Վերլուծությունը ներառում է ապագա միջազգային պաշտպանական գործընկերություն Շվեդիայի համար, այդ թվում` քննարկում ՆԱՏՕ-ի հարցով, բոլոր տարբերակները սեղանի վրա են»,- նշել է Շվեդիայի վարչապետը։
ՆԱՏՕ-ին անդամակցելու հարցը Ֆինլանդիան և Շվեդիան սկսեցին քննարկել Ռուսաստանի Ուկրաինա ներխուժումից հետո։
Աղբյուրը՝ Azatutyun.am:
Recent Posts
Մոսկվան ու Երևանը բանակցություններ կսկսեն ՀՀ-ի երկաթուղիների երկու հատվածի վերականգնման շուրջ. Օվերչուկ
Մոսկվան ու Երևանը բանակցություններ կսկսեն Հայաստանի երկաթուղիների երկու հատվածի վերականգնման շուրջ, որոնք կապված են Ադրբեջանի…
Օդի ջերմաստիճանը կբարձրանա 5-8 աստիճանով
Փետրվարի 13-ի գիշերը և առավոտյան հանրապետության առանձին ավտոճանապարհներին սպասվում է մերկասառույց։ Փետրվարի 13-15-ին գիշերը և…
Վրաստանը սահմանափակում է հին մեքենաների ներմուծումը
Վարչապետ Իրակլի Կոբախիձեն հայտարարել է վեց տարուց ավելի առաջ արտադրված մեքենաների ներմուծման արգելքի մասին: Համապատասխան…
Մխիթարյանը կլինի երիտասարդացող «Ինտերի» միակ բացառությունը
«Ինտերի» սեփականատերերը պատրաստ են թույլ տալ ակումբի ղեկավարությանը՝ նոր պայմանագիր առաջարկել Հենրիխ Մխիթարյանին։ Ըստ իտալական…
Ուրախ էինք Հայաստանում ողջունել ամերիկյան տեխնոլոգիական ընկերությունների ղեկավարներին. ՀՀ-ում ԱՄՆ դեսպանություն
ՀՀ-ում ԱՄՆ դեսպանությունից հայտնում են, որ ԱՄՆ փոխնախագահ Ջեյ Դի Վենսի Հայաստան կատարած պատմական այցին…
Սիրելինե՛րս, դուք սկսել եք «Մահ կամ ազատություն»-ից, ավարտել 004 շրջաբերականով. Ռուբինյանը՝ ՀՅԴ-ին
Քննարկում ենք ըստ երևույթին երկու փոխկապակցված հարց, որոնք տարօրինակ կերպով փոխկապակցվել են այսօր՝ Հեռուստատեսության և…