Ընդդիմության քայլերի ժամանակ միջադեպ է գրանցվել ակցիայի մասնակիցների և դերասան Սոս Ջանիբեկյանի միջև։ Քայլերթի մասնակիցներից մի քանիսը, Դեմիրճյան փողոցում հանդիպելով դերասանին, ջրի պլաստիկե շշերով հարվածել են նրան։ Այս միջադեպին անդրադարձել է Տարոն Չախոյանը, գրառումը ստորև․
«Ջանիբեկյան Սոսին թուրք անվանողներն ու վերջինիս վրա շիշ շպրտողները Սոսի չափ ի՞նչ են արել Արցախի համար։
Տեղեկացնեմ, որ Ջանիբեկյան Սոսը վարում է «100 տուն Արցախում» նախագիծը, որի նպատակն է բնակարանով ապահովել պատերազմի հետևանքով տեղահանված և տունը կորցրած արցախցիներին։
Ի տարբերություն Երևանի կենտրոնում Արցախը փրկողների Սոս Ջանիբեկյանը ամսվա կեսն ապրում է Արցախում, գումար է հավաքագրում անօթևան արցախցիների բնակարանային հարցերը լուծելու համար։
Հիմա Սոսը թու՞րք է, դուք էլ Արցախը փրկո՞ղն եք»։
Տեսանյութը՝ Factor.am -ի․