20 տարվա մեջ մի ստորակետ Ղարաբաղի օգտին տեսե՞լ եք, տեսե՞լ եք մի փաստաթուղթ, որտեղ մի ստորակետ Ղարաբաղի անկախության օգտին լինի։ Այս մասին այսօր Հանրային հեռուստաընկերության եթերում Պետրոս Ղազարյանի հետ հարցազրույցին ասաց «Քաղաքացիական պայմանագիր» խմբակցության պատգամավոր Խաչատուր Սուքիասյանը։
Նա նկատեց, որ ընդդիմությունը չթողեց վարչապետին բացատրել Մարդիդյան սկզբուքնները։ «Հիմա կխնդրեք՝ թող երկրի վարչապետ Նիկոլ Փաշինյանը բացատրի, թե այդ Մադրիդյան սկզբունքների տակ ինչ ռումբեր են դրված եղել»,–ասաց նա։
Պատգամավորը նշեց, որ Հայաստանի Հանրապետւթյունը 51–րդ տեղում է ժողովրդավարության, դա բավականին լուրջ ցուցանիշ է, իսկ ընդդիմությունը ցանկանում է դա տապալել։
«Իշխանափոխություն ընդհանրապես չի լինի, ժողովրդավարությունը կմնա Հայաստանում, ոչ մի անօրինականություն իշխանությունը թույլ չի տա, բայց իրենք պետք է զգույշ լինեն, քանի որ ինստիտուցիոնալ ժողովրդավարական գործիքները շատ լուրջ ու սուր գործիքներ են ու հնարավոր է ավելի խստացնենք»,–ասաց նա։
Խաչատուր Սուքիասյանը նշեց, որ այսօր շատ մեծ քանակությամբ դրամ ու դոլար է գալիս Հայաստան, ինչը նշանակում է տնտեսությունը աճում է։ «ՀՀ–ում այսօր միջին աշխատավարձը 243 հազար է, թող վերցնեն համեմատեն այլ երկրների հե»,–հավելեց նա:
