Աֆղանստանում իշխող «Թալիբան» շարժման ղեկավարությունը արգելել է կանանց բաց դեմքով փողոց դուրս գալ։ Այսուհետ Աֆղանստանի ավելի քան 14 միլիոն կանայք հանրային վայրերում պետք է հայտնվեն այսպես կոչված բուրքաներով, որոնք ամբողջությամբ թաքցնում են մարմինն ու դեմքը՝ միայն աչքերի հատվածում փոքրիկ ցանցապատ հատված թողնելով։
«Արգելքը խախտելու դեպքում կանանց փողոցում ուղեկցող տղամարդը կամ տղամարդիկ կդատապարտվեն եռօրյա բանտարկության», – այսօր Քաբուլում կայացած ասուլիսի ժամանակ հայտարարել է Աֆղանստանի անառակության և առաքինության հարցերով նախարարության պաշտոնական ներկայացուցիչ Շիր Մոհամեդը։
Առանց տղամարդկանց ուղեկցության փողոց դուրս գալ կանանց արգելվել էր դեռ անցած տարեվերջին։
Աղբյուրը՝ Azatutyun.am:
