Եվրամիությունը փորձում է փրկել hամատեղ համապարփակ գործողությունների ծրագրի շուրջ բանակցությունները, որոնք դադարեցվել են այն պատճառով, որ ԱՄՆ-ն հրաժարվում է հանել Իսլամական հեղափոխության պահապանների կորպուսը (ԻՀՊԿ) ահաբեկչական կազմակերպությունների ցուցակից:
«ՌԻԱ Նովոստիի» հաղորդմամբ՝ տեղեկությունը Financial Times թերթին հայտնել է ԵՄ դիվանագիտության ղեկավար Ժոզեպ Բորելը։
Բորելը թերթին տված հարցազրույցում ասել է, որ ԵՄ-ն «միջին տարբերակ» է փնտրում հարցի համապատասխան լուծում գտնելու համար: Նրա խոսքով՝ Թեհրանը «շատ է դիմադրում» այդ հարցի շուրջ բանակցություններին Եվրամիության կողմից միջուկային գործարքի վերականգնման շուրջ համակարգող Էնրիկե Մորայի հետ:
Բորելը նշել է, որ դիտարկվում է մի սցենար, որի դեպքում ԻՀՊԿ-ն ահաբեկչական կազմակերպությունների ցուցակից կհանվի, սակայն կորպուսի «մյուս ստորաբաժանումները» դեռ ահաբեկչական կհամարվեն:
