ԱՄՆ նախագահի վարչակազմը հայտարարել է Առաջին ալիքի, НТВ-ի և «Россия 1»-ի դեմ պատժամիջոցների կիրառման մասին։ Ռուսական այս հեռուստաալիքներին կարգելվի մուտք գործել ԱՄՆ գովազդային շուկա և բովանդակության արտադրության տեխնոլոգիա, հայտնում է CNN-ը։
Միացյալ Նահանգները նաև արգելելու է ամերիկյան ընկերություններին որոշակի խորհրդատվական, կառավարման և հաշվապահական ծառայություններ տրամադրել Ռուսաստանից հաճախորդներին և նոր սահմանափակումներ կմտցնի Ռուսաստանի Դաշնություն արդյունաբերական արտահանման վրա։ Սահմանափակումները կազդեն, մասնավորապես, բուլդոզերների, արդյունաբերական շարժիչների, կաթսայատների և օդափոխության սարքավորումների վրա։
Բացի այդ, վիզային պատժամիջոցներ են սահմանվում Գազպրոմբանկի ղեկավարների նկատմամբ, որոնց միջոցով Ռուսաստանը պահանջում է գազի դիմաց վճարումները կատարել ռուբլով։
Ինքը՝ բանկը, ինչպես ընդգծել են Սպիտակ տան ներկայացուցիչները, չի ընկնում պատժամիջոցների տակ։ «Մենք չենք սառեցնում նրա ակտիվները կամ արգելափակում ենք հաշիվները, այլ ազդանշան ենք տալիս, որ «Գազպրոմբանկը» վստահելի պաշտպանություն չի լինի», – ասել է ԱՄՆ նախագահ Ջո Բայդենի վարչակազմը։
Պատժամիջոցների ցանկում են նաև Սբերբանկի ղեկավարները։ Բացի այդ, ԱՄՆ-ը հայտարարեց Մոսկվայի արդյունաբերական բանկի դեմ պատժամիջոցների արգելափակման մասին։ Սբերբանկն արդեն նման պատժամիջոցների տակ է։
Ավելի քան 2500 ռուս զինվորականներ նույնպես ներառված են պատժամիջոցների ցանկում, նրանց արգելվում է մուտք գործել ԱՄՆ, գրում է РБК-ն։
Աղբյուրը՝ Meduza.io:
Թարգմանեց՝ Աստղ Խաչատրյանը։
