Այս իշխանությունների պատճառով ինչ-որ մարդիկ կան, որ մաքրվում են այս գործընթացների մեջ, սա պետք է թույլ չտանք։
Այս մասին այսօր Եռաբլուրում լրագրողների հետ զրույցում ասել է Հատուկ հանձնարարություններով դեսպան Էդմոն Մարուքյանը։
«Ցավոք, ես արտաքին քաղաքականության մեջ եմ ներգրավված, ներքաղաքական չէ իմ գործառույթը, թե չէ կարող է լուրջ պրոբլեմներ ունենային իրենք»,- շեշտել է Մարուքյանը՝ նկատի ունենալով ընդդիմադիր նախկին պաշտոնյաներին:
Պատասխանելով հարցին՝ վերջին շրջանում կարգավորվե՞լ է իր անձնական բարեկեցությունը, վերջինս նշել է. «Չէ, ոնց ապրել եմ, այդպես էլ ապրում եմ, հայտարարագիրը կարող եք նայել: Ի՞նչը պետք է ավելանար, եկեք գնանք, նայենք մեր տունը, կարող ենք գնալ, Վանաձորի մեր տունն էլ նայեք։ Ստանում եմ պատգամավորի աշխատավարձի չափ աշխատավարձ»,- հավելել է քաղաքական գործիչը:
