Գերմանիայի կանցլեր Օլաֆ Շոլցն այսօր ասել է, թե ներկայիս իրավիճակում իր երկիրը պետք է ռազմական օգնություն տրամադրի Ուկրաինային: Այդ մասին կանցլերն ասել է Գերմանիայի արհեստակցական միությունների համաժողովում:
«[Նախագահ Վլադիմիր] Պուտինը մեզ այլ ելք չի թողնում, քան զենք տալ Ուկրաինային», – ասել է կանցլերը և հավաստիացրել, որ Գերմանիան կշարունակի աջակցել Ռուսաստանի հարձակման ենթարկված Ուկրաինային:
Փետրվարի 24-ին Ուկրաինայի վրա Ռուսաստանի հարձակման կապակցությամբ Արևմտյան երկրներն, այդ թվում՝ Գերմանիան, Մոսկվայի նկատմամբ սահմանել են լայնածավալ պատժամիջոցներ և սկսել են քաղաքական, ֆինանսական ու ռազմական օգնություն տրամադրել Կիևին:
Գերմանիայի կառավարության ղեկավարը բազմիցս նշել է, որ ՆԱՏՕ-ն որևէ պարագայում չպետք է ուղիղ եղանակով ներքաշվի այս պատերազմի մեջ և ամեն բան դրա վտանգը կանխելու համար:
