Ծանր մարտեր են ընթացել Ուկրաինայի արևելքում։ Սևծովյան Օդեսա նավահանգիստը ենթարկվել է ռուսական հրթիռային հարձակման։ Մոսկվան ուժեղացրել է հարձակումը նաև Մարիուպոլի պողպատի գործարանի վրա, որտեղ շարունակվում է կոշտ դիմադրությունը:
Ուկրաինայի արևելյան որոշ շրջաններում՝ Լուգանսկում, Խարկովում և Դնեպրում այսօր վաղ առավոտյան օդային հարվածների ձայներ են լսվել:
Այդուհանդերձ Մեծ Բրիտանիայի պաշտպանության նախարարությունն այսօր իր ամենօրյա հետախուզական տեղեկագրում նշել է, որ Ռուսաստանի սխալ գնահատականը հանգեցրել է մարտի դաշտում անհաջողությունների։
Աղբյուրը՝ Azatutyun.am:
