Ամերիկյան «McDonald’s» ռեստորանների ցանցը կարող է վերսկսել աշխատանքը ՌԴ-ում այլ ապրանքանիշի ներքո։ Այս մասին մայիսի 11-ին ռուսական լրատվամիջոցներին հայտնել են սննդամթերքի շուկայում տիրող իրավիճակին ծանոթ երկու աղբյուրներ։
«Ընկերությունը մտադիր է փրկել ՌԴ-ում արդեն ներդրված միջոցները, որոնք ուղղվել են ռեստորանների ցանցի զարգացմանը։ Դրա համար էլ տրամաբանական է, որ ձեռնարկությունը հիմա միջոց է փնտրում, թե ինչպես դա անել»,- հավելել է զրուցակիցը։
Ռեստորանների եւ հյուրանոցների ֆեդերացիայի նախագահ Իգոր Բուխարովը հայտնել է, որ «McDonald’s» ստեղծել է գնորդների ներգրավման կետերի ցանց, ուստի աշխատանքը նույնիսկ նոր ապրանքանիշի ներքո շահավետ կդառնա։ Նման իրավիճակում ամերիկյան ցանցի ֆրանչայզինգ գործընկերները կարող են ակնկալել նոր օտարերկրյա ընկերության անունից վճարման գումարի կրճատում, ենթադրել է նա:
