Ընթացքի մեջ են Երևանի քաղաքապետարանի տարեկան ծրագրով մեկնարկած Երևանյան լճի մաքրման աշխատանքները: Այս մասին տեղեկացնում է Երևանի քաղաքապետարանի կայքէջը:
2022թ. համար բյուջետային մասհանումները կկազմեն 60 մլն 430 հազար դրամ: Դրանով նախատեսվում են Հրազդան գետի վրա ճաղավանդակի տեղադրում, աղբաորսիչ միջոցառումների կազմակերպում և շուրջ 12500 խմ թափոնների հավաքում ու տեղափոխում:
Երևանյան լճի մաքրմանը զուգահեռ, տարածքում հանգստի գոտի կստեղծվի: Նախատեսվում է բարեկարգել լճի ափամերձ տարածքի 2.8 հա հատվածը, տեղադրել նստարաններ, աղբամաններ, կառուցել մարզահրապարակ, հեծանվուղի, ճեմուղի:
Տարածքը լուսավորել էներգախնայող լուսատուներով, իրականացնել կանաչապատման աշխատանք:
Ներկայացված է Երևանյան Լճի աջակողմյան հատվածում կառուցվող հանգստյան գոտու տեսքը։
