«Վարչապետը ցանկանում էր ասել, որ երբ ՀՀ-ն 2007թ․ համաձայնություն է տվել, որ ԼՂ կարգավորման շուրջ բանակցություններն ընթանան Մադրիդյան սկզբունքների հիման վրա, դրանով «առ ոչինչ է ճանաչել Արցախի 1991թ․ դեկտեմբերի 10-ի Անկախության հանրաքվեն», քանի որ Մադրիդյան սկզբունքներում արդեն նոր հանրաքվեի մասին պայմանավորվածություն էր նախատեսվում։
Ենթադրվում էր, որ Հայաստանի դիվանագիտությունը պետք է լծված լիներ այդ անկախության ճանաչման գործընթացին, սակայն, ընդունելով Մադրիդյան սկզբունքները, «16 տարվա դիվանագիտական աշխատանքը ջուրն է գցվել»։
Այդ ժամանակ ՀՀ-ում կոալիցիոն կառավորություն էր, նախագահը Ռոբերտ Քոչարյանն էր, երրորդ նախագահ Սերժ Սարգսյանը նույնպես եղել է իշխանության մեջ, ինչպես նաև ՀՅԴ-ն կոալիցիայի մաս է կազմել»,- գրել է Թիվ 1 հեռուստաընկերության տնօրեն Էդգար Բաբայանը։
