Ուկրաինայում ընթացող պատերազմը և դրա տարածաշրջանային ու գլոբալ հետևանքների հաղթահարումը կքննարկվեն Գերմանիայում «Մեծ յոթնյակի» երկրների (G7) և ՆԱՏՕ-ի արտգործնախարարների հանդիպման ժամանակ, որին Վրաստանը հրավիրված չէ։
ALIQ-ի փոխանցմամբ, ՆԱՏՕ-ի նախարարական հանդիպմանը կմասնակցեն Ֆինլանդիան և Շվեդիան, G7-ի հանդիպման հյուրերի թվում են Ուկրաինան և Մոլդովան։
Մայիսի 12-14-ը Վայսենհաուսում Գերմանիայի նախագահության հովանու ներքո տեղի է ունեցել G7-ի արտգործնախարարների առաջին ծրագրված հանդիպումը։ Ըստ Գերմանիայի ԱԳՆ-ի՝ եռօրյա հանդիպմանը քննարկվել է, թե ինչպես G7-ը կարող է ընդլայնել իր ջանքերը՝ դադարեցնելու դաժան պատերազմը, աջակցելու ուկրաինացի ժողովրդին ազատության և անկախության համար պայքարում և հաղթահարել պատերազմի գլոբալ հետևանքները։
Մայիսի 14-15-ը Գերմանիայում նախատեսված է նաև Հյուսիսատլանտյան խորհրդի (ՀԱԽ) ոչ պաշտոնական հանդիպում արտգործնախարարների մակարդակով, որին հրավիրված են Շվեդիան և Ֆինլանդիան։ Ուկրաինայի պատերազմի արդյունքում այս երկու երկրները, որոնք պատերազմի ժամանակ չեզոքության երկար պատմություն ունեն, քննարկում են Հյուսիսատլանտյան դաշինքին միանալու հարցը։ Հանդիպումը կղեկավարի ՆԱՏՕ-ի գլխավոր քարտուղարի տեղակալ Միրչա Ջեոանան։
Վրաստանում Գերմանիայի դեսպանատուն տարածած հայտարարությամբ անդրադարձել է հարցին, թե ինչո՞ւ Վրաստանը հրավիրված չէ հանդիպումներին․
«Ինդոնեզիան այն երկիրն է, որը ղեկավարում է «Մեծ քսանյակը» 2022 թվականին։ Ուկրաինայի արտաքին գործերի նախարարը հրավիրվել է իր երկրում պատերազմական իրավիճակի պատճառով, իսկ Մոլդովայի Հանրապետությունը՝ այս պատերազմի անմիջական ազդեցության, այդ թվում՝ պատերազմի ժամանակ ուկրաինացի փախստականների մեծ հոսքի պատճառով»։
