ՀՀ ՄԻՊ-ը Տավուշի մարզի Աչաջուր համայնքում մասնակցել է Ընտանիքի օրվան նվիրված միջոցառումներին

Մայիսի 15-ին՝ Ընտանիքի օրվա առթիվ, Մարդու իրավունքների պաշտպան Քրիստիննե Գրիգորյանը Տավուշի մարզի Աչաջուր համայնքում մասնակցել է ՄԱԿ-ի Բնակչության հիմնադրամի, Գյումրու «Երիտասարդական նախաձեռնությունների կենտրոն» ՀԿ-ի և ՎԻՆՆԵԹ Հայաստան կանանց ռեսուրս կենտրոնների ցանցի համատեղ նախաձեռնությամբ կազմակերպված միջոցառմանը։

ՄԻՊ հանրային կապերի բաժնից հայտնում են, որ պաշտպանը նաև ներկա է գտնվել «Ուժեղ ենք միասին» սպորտլանդիային, որին մասնակցում էին տարբեր մարզերից ժամանած ընտանիքներ։

Պաշտպան Քրիստիննե Գրիգորյանն Աչաջուր համայնքի ղեկավար Կարեն Ղալթախչյանի և ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանի հետ համատեղ այց է կատարել նաև Աչաջուր համայնքի միջնակարգ դպրոց և մանկապարտեզ։

Պաշտպանը ծանոթացել է կրթական հաստատությունների խնդիրներին, ինչպես նաև համայնքի ներկայացուցիչների հետ քննարկվեցին համագործակցության նոր հնարավորությունները: