Պեկինը G7-ի երկրներին կոչ է արել դադարեցնել ապօրինի պատժամիջոցները

Պեկինը G7-ի երկրներին կոչ է անում կենտրոնանալ խաղաղության վրա, դադարեցնել անօրինական պատժամիջոցներ սահմանելը և գունավոր հեղափոխություններ հրահրել այլ երկրներում: Այդ մասին ճեպազրույցի ժամանակ հայտարարել է ՉԺՀ-ի արտաքին գործերի նախարարության պաշտոնական ներկայացուցիչ Չժաո Լիցզյանը:
«Մենք կոչ ենք անում «Մեծ յոթնյակի» երկրներին՝ իրապես կենտրոնանալ աշխարհում խաղաղության եւ զարգացման վրա, դադարեցնել երկակի կամ նույնիսկ բազմակի ստանդարտներ կիրառել»,- հայտարարել Է դիվանագետը:
Նա նաեւ G7-ին կոչ է արել «ամեն հարմար առիթ չօգտագործել այլ երկրներում գունավոր հեղափոխություններ կազմակերպելու, դադարեցնել այլ երկրների նկատմամբ ապօրինի պատժամիջոցներ կիրառելը կամ արտատարածքային իրավազորությունը օգտագործելը»: