Լիտվայի նախագահ Գիտանաս Նաուսեդան մայիսի 19-20-ը պաշտոնական այցով կժամանի Հայաստան, որի ընթացքում կհանդիպի ՀՀ վարչապետ Նիկոլ Փաշինյանի, նախագահ Վահագն Խաչատուրյանի, ԱԺ նախագահ Ալեն Սիմոնյանի հետ:
Այս մասին հայտնում է Լիտվայի նախագահի աշխատակազմի մամուլի ծառայությունը:
Հանդիպումների ընթացքում կքննարկվեն Հարավային Կովկասի տարածաշրջանի անվտանգության հետ կապված իրավիճակը, երկրում ժողովրդավարական բարեփոխումները, Արևելյան գործընկերության շրջանակում ԵՄ-Հայաստան համագործակցությունը, ինչպես նաեւ Լիտվայի եւ Հայաստանի միջեւ երկկողմ հարաբերությունները:
Լիտվայի նախագահը հանդիպում կունենա նաև Ամենայն հայոց կաթողիկոս Գարեգին Բ-ի և Հայաստանի լիտվական համայնքի ներկայացուցիչների հետ, հարգանքի տուրք կմատուցի Հայոց ցեղասպանության զոհերի հիշատակին:
Մինչ այդ՝ վերջինս կայցելի Ադրբեջան, որտեղ կհանդիպի Իլհամ Ալիևի հետ:
