Շվեդիայի կառավարությունը այսօր որոշել է պաշտոնապես դիմել ՆԱՏՕ-ին՝ դաշինքին անդամակցելու խնդրանքով։ Ստոկհոլմի որոշումը կայացվել է հարևան Ֆինլանդիայի կառավարության կողմից Հյուսիսատլանտյան դաշինքի անդամակցության գործընթաց սկսելու պաշտոնական հայտարարությունից մեկ օր անց։
«Շվեդիայի խորհրդարանի ճնշող մեծամասնությունը կողմ է ՆԱՏՕ-ին անդամակցելուն։ Դաշինքին անդամակցելը Շվեդիայի և մեր երկրի բնակչության համար լավագույն լուծումն է։ Շվեդիան անվտանգության ֆորմալ երաշխիքների կարիք ունի։ Այդ երաշխիքները կարող է տրամադրել Հյուսիսատլանտյան դաշինքը», – նշել է Շվեդիայի վարչապետ Մագդալենա Անդերսոնը։
