«Դեռ Սերժ Սարգսյանի օրոք (երբ ընտրությունները կասկածելի լղոզվում էին) պատահական համացանցով աչքիս ընկավ ռուսաստանյան ընտրությունների տեսանյութերը, մտովի արձանագրեցի` չէ մենք շատ առաջ ենք։
Հիմա հաստատ մի ամբողջ անդունդ է հայկական ազատության չափի ու ցարական սովետաչեկիստական բռնատիրության միջև։ Մենակ այդ ազատության շունչը, որը մեր պարագայում արդար ընտրության հնարավորություն է տվել բոլորին` հյուծված, բզկտված երկիրը անդունդը գլորելու ամենաթողության մոլուցքի չվերածենք։
Ժողովուրդը ժեխ չէ, ոչ էլ անհասկացող։ Կրթեք ժողովրդին, եթե այդ ցենզը ցածր է,թող այլ գիտակցականությամբ ընտրի,ավելի արժանիներին, ավելի բարձր արժեքներ կրողներին ,բայց էլի գիտակցված ու ազատ։ Թե չէ լաչառությամբ ու փողոցային ըմբշամարտով ճամփեն փակուղի է»,-անդրադառնալով ընդդիմության գործողություններին գրել է երգահան Արմեն Մովսիսյանը։
