Գերմանիայում մեկնարկել է Մեծ յոթնյակի երկրների ֆինանսների նախարարների հանդիպումը, որի քննարկման հիմնական թեման Ուկրաինային ֆինանսական աջակցությունն է։
«Ես բավականին լավատես եմ, որ մենք կկարողանանք G7-ի այս հանդիպման ժամանակ ֆինանսական հոսքեր ներգրավել, ինչը թույլ կտա Ուկրաինային պաշտպանվել հաջորդ ամիսների ընթացքում», – ասել է Գերմանիայի ֆինանսների նախարար Քրիստիան Լինդները։
Ռուսաստանի հարձակումից ի վեր Ուկրաինայի տնտեսությունն աննախադեպ ծանր կորուստներ է կրում, միլիոնավոր մարդիկ ստիպված էին լքել իրենց տները։
Ուկրաինան, որն իր բյուջեի ամսական դեֆիցիտը գնահատում է 5 միլիարդ դոլար, Արևմուտքին է դիմել տնտեսության կորուստները լրացնելու, ռազմական գործողությունները ֆինանսավորելու խնդրանքով։
Գերմանիայի ֆինանսների նախարարի խոսքով՝ Ուկրաինային անհրաժեշտ է օգնություն «երկնիշ թվով միլիարդավոր եվրոների տեսքով»:
Մեծ յոթնյակը միջազգային ֆինանսական խումբ է, որի կազմի մեջ մտնում են յոթ զարգացած արդյունաբերական երկրներ` Գերմանիան, Կանադան, Ֆրանսիան, Իտալիան, Ճապոնիան, Մեծ Բրիտանիան և ԱՄՆ-ը։
