Պենտագոնի խոսնակ Ջոն Քիրբին մայիսի 20-ին հայտնել է, որ Ուկրաինային ռազմական օգնություն տրամադրելու հարցով համակարգող խմբի երկրորդ հանդիպումը տեղի կունենա առցանց ձևաչափով մայիսի 23-ին:
Նրա փոխանցմամբ, նիստին կմասնակցեն ավելի քան 40 պետությունների ներկայացուցիչներ, վերջնական ցուցակը կհւրապարակվի նիստի նախօրեին:
«Այսօր ավելի ուշ նախարարը {Լոյդ Օսթինը} կունենա Ոկրաինայի պաշտպանության նախարար Ալեքսեյ Ռեզնիկովի հետ զրուցելու և այդ երկրի ռազմական կարիքները ճշտելու հնարավորություն: Համակարգող խմդի երկրորդ հավաքը կանցկացվի երկուշաբթի օրը վիրտուալ տարբերակով, նախարարը կմասնակցի՝ գտնվելով Պենտագոնում»,- ասել է Քիրբին:
Խոսնակը նշել է, որ Ուկրաինյայի պաշտպանական գերատեսչության ղեկավարն այդ առցանց հավաքի ընթացքում կներկայացնի վերջին տեղեկությունները ռազմաճակատից:
Ուկրաինային ռազմական օգնություն տրամադրելու հարցով համակարգող խմբի առաջին հանդիպումը տեղի է ունեցել առկա տարբերակով ապրիլի 26-ին Գերմանիայում՝ Ռամշտայնում գտնվող ամերիկյան ռազմակայանի տարածքում:
Միացյալ Նահանգների պաշտպանության նախարար Լոյդ Օսթինն առաջարկում է ամեն ամիս նման քննարկումներ անցկացնել Ուկրաինային արդյունավետ եղանակով օգնելու համար:
Աղբյուրը՝ Azatutyun.am
